Aug 31 2025 | २०८२, भदौ १५गते
काठमाडौँ । विश्व बैंकले विभिन्न परियोजनाहरुमा अनियमितता र भ्रष्टाचारमा संलग्न भएको भनी कालोसूचीमा राखेको एक कम्पनीलाई इम्बोस्ड नम्बर प्लेट बनाउन ठेक्का दिइएको पाइएको छ ।यातायात व्यवस्था विभागले इम्बोस्ड नम्बर प्लेट राख्ने ठेक्का दिएको एउटा कम्पनीे डेकाटुर टाइगर आईटी हो ।
विश्व बैंकले भ्रष्टाचार र मिलेमतोको आरोपमा कारबाही गरेको सो कम्पनीलाई देशको सुरक्षा जस्तो संवेदनशील विषयमा ठेक्का दिइएकोमा पर्यवेक्षकहरूले चिन्ता व्यक्त गरेका छन् ।बंगलादेशी र अमेरिकी संयुक्त कम्पनीलाई सरकारले इम्बोस्ड नम्बर प्लेटको ठेक्का दिएको हो ।
विश्व बैंकको कालोसूचीमा राखिनु भनेको त्यस्तो कम्पनी अन्तर्राष्ट्रिय स्तरमा कुनै पनि काम गर्न योग्य हुँदैन् । तर सरकारले यस्तो गरेको देखिएको हो ।इस्बोस्ड नम्बर प्लेटको ठेक्का पाएको बंगलादेशी अमेरिकी संयुक्त कम्पनी डेकाटुर टाइगर आईटीलाई विश्व बैंकले आफ्नो स्यांक्शन्स बोर्ड डिसिजन नम्बर ११८ मार्फत मिलेमतो, भ्रष्टाचार र अवरोधकारी गतिविधिमा संलग्न भएको ठहर गरी कालोसूचीमा राखेको छ ।
यस्तै विश्व बैंकले उक्त कम्पनीलाई ९ वर्ष ६ महिना र ६ वर्ष ६ महिनाका लागि प्रतिबन्ध समेत लगाएको थियो ।
सार्वजनिक खरिद अनुमगन कार्यालयका अधिकारीहरूका अनुसार कालोसूचीमा परेका कम्पनीलाई ठेक्का दिने नदिने भन्ने सम्बन्धित विभागको जिम्मेवारी भएको बताएका छन् । यसमा तत्काल सार्वजनिक खरिद अनुगमन कार्यालयले आफै केही गर्न नसक्ने उनीहरू बताउँछन् ।
तर सार्वजनिक खरिद अनुगमन कार्यालयका प्रवक्ता रामबन्धु सुवेदीले यस विषयमा जानकारी सार्वजनिक गरे अनुसार यसको अनुसन्धान गर्ने अधिकार क्षेत्र पनि अख्तियारकै हो । कतैबाट उजुरी आएमा छानबिन गर्न सकिन्छ ।यस विषयमा संसदको लेखा समिति सभापति ऋषिकेश पोखरेलले सो कम्पनी विश्व बैंंकको कालोसूचीमा भएको थाहा नभएको जनाएका छन् ।
सार्वजनिक खरिद ऐनअनुसार कालोसूचीमा परेको कुनै पनि कम्पनीलाई सरकारी ठेक्का दिन पाइँदैन ।
© 2025 All right reserved to Nayasadak.com | Site By : Sobij
